„ჩვენ ვფიქრობთ, რომ არაფერი არ არის დაგვიანებული, ყველაფერი გეგმაზომიერად ხორციელდება, განსაკუთრებით მარკეტინგული კამპანია“,- ამის შესახებ ეკონომიკის მინისტრმა, ნათია თურნავამ განაცხადა.
როგორც თურნავა ამბობს, მოლოდინი არის, რომ ბიზნესის სექტორშიც ბევრი ადამიანი აიცრება.
„ჩვენ აქ სხვა ქვეყნების პოზიტიურ გამოცდილებას ვიყენებთ და ძალიან გვიხარია, რომ პირველი შედეგები ჩანს. მაგალითად, ძალიან დიდი მოთხოვნა დაფიქსირდა იგივე „სინოფარმზე“. დღეიდან დაიწყო „სინოფარმით“ ვაქცინაცია, ბატონო ამირან გამყრელიძე, როგორც ამ პროცესის ფლაგმანი, უკვე აიცრა და ველოდებით, რომ ადამიანებიც, განსაკუთრებით ბიზნესი აიტაცებს ამას. ბიზნესისთვის ეს არის ძალიან მნიშვნელოვანი, თუნდაც იმიტომ, რომ შეუფერხებლად მუშაობდნენ საწარმოები, მომსახურების ობიექტები“, – განაცხადა ნათია თურნავამ.
