“არასწორია, როცა პროტესტი იღებს ისეთ სახეს, რომ ზოგადად, ჰესის მშენებლობის კატეგორიული წინააღმდეგობა იკვეთება”, – ამის შესახებ საპროცედურო საკითხთა და წესების კომიტეტის თავმჯდომარემ, ირაკლი ქადაგიშვილმა “ნამახვანჰეისის” წინააღმდეგ მიმდინარე პროტესთან დაკავშირებით, ჟურნალისტებთან განაცხადა.
მისივე თქმით, პროტესტი სწორი ფორმით უნდა წარიმართოს.
„პროტესტი, როცა ის ეხება კონკრეტულ თემას და ითხოვს ამ თემის უკეთესად წარმართვას ეს მისაღები და გასაგებია, მაგრამ პროტესტი, რომელიც იღებს ისეთ სახეს და ამბობს, რომ ჩვენ კატეგორიულად წინააღმდეგები ვართ ზოგადად ჰესის მშენებლობის და ულტიმატუმების სახით ხდება ამ თემაზე საუბარი არის მცდარი“, – განაცხადა ქადაგიშვილმა.
