საკუთარი არჩევანი ცოტა ხნის წინ დააფიქსირა „ნაციონალური მოძრაობის“ თბილისის მერობის კანდიდატმა. ნიკა მელიამ ხმა მთაწმინდის მე-6 საარჩევნო უბანზე, ჩიტაძის ქუჩაზე მისცა.
მელიას თქმით, მან ხმა ცვლილებებს და მრავალფეროვნებას მისცა, რათა დასრულდეს სამარცხვინო საბჭოთა სტილის ერთპარტიული მმართველობა და გზა გაეხსნას კოალიციური მმართველობას:
„დარწმუნებული ვარ, აბსოლუტური უმრავლესობა ასე იქცევა თბილისში და არა მხოლოდ თბილისში, ხმას აძლევს კონკურენციას, მრავალფეროვნებას, ცვლილებას, შეჯიბრებითობას. ყველაფერს ვაკეთებთ და აკეთებენ, რომ დასრულდეს ჩემს აზრით ძალიან სამარცხვინო საბჭოთა სტილის ერთპარტიული მმართველობა და გზა გაეხსნას კოალიციური მმართველობას.
მთავარი მიზეზი, რისთვისაც დღეს მრავალი ადამიანი თავის არჩევანს კოალიციური მმართველობაზე შეაჩერებს იქნება შემდეგი, მოვწონვართ ჩვენ თუ არ მოვწონვართ. ამ ქვეყანას თავისი მესამე პრეზიდენტი მოსაკლავი არ ჰყავს. ყველაფერთან ერთად დღეს ჩვენ გვაქვს ისტორიული შანსი რომ დავასრულოთ და ავლაგმოთ ისტორიული უსამართლობა“, – განაცხადა მელამ.
