„არჩევნები მე მოვიგე!“, – აშშ-ს პრეზიდენტი, დონალდ ტრამპი მიიჩნევს, რომ არჩევნებში გაიმარჯვა. ამის შესახებ ტრამპი სოციალურ ქსელ Twitter-ზე წერს.
ტრამპის ამ პოსტს Twitter-მა არასარწმუნო ინფორმაციის სტატუსი მიანიჭა.
შეგახსენებთ, რომ საერთაშორისო საზოგადოებამ აშშ-ის 46-ე პრეზიდენტად ჯო ბაიდენი უკვე აღიარა, თუმცა მოქმედი პრეზიდენტი არჩევნების შედეგებს არ ცნობს. დონალდ ტრამპი ამ დრომდე აცხადებს, რომ არჩევნები კონსტიტუციის უხეში დარღვევით ჩატარდა.
აშშ-ის გენერალური პროკურორის, უილიამ ბარის განცხადებით, გენერალური პროკურატურა საპრეზიდენტო არჩევნებში შესაძლო დარღვევების ფაქტებს გამოიძიებს.
I WON THE ELECTION!
— Donald J. Trump (@realDonaldTrump) November 16, 2020
