აშშ გერმანიიდან 12 000-მდე ჯარისკაცს გაიყვანს, – ამის შესახებ პენტაგონში გამართულ ბრიფინგზე ამერიკის თავდაცვის მინისტრმა, მარკ ესპერმა განაცხადა. ინფორმაციას cnbc-ი ავრცელებს.
12 ათასამდე ამერიკელი ჯარისკაციდან 6 400 ჯარისკაცი აშშ-ში დაბრუნდება, ხოლო 5 400 სხვადასხვა ქვეყნის ტერიტორიაზე გადანაწილდება.
„აშშ-ის შეიარაღებული ძალების ევროპული სარდლობის (EUCOM) ამჟამინდელი გეგმის თანახმად დაახლოებით 11 900 შეიარაღებული ჯარისკაცი გადანაწილდება გერმანიიდან, რაც ნიშნავს 36 000 ჯარისკაციდან 24 000-მდე შემცირებას იმგვარად, რომ გაძლიერდეს ნატო, გაიზარდოს რუსეთის შეკავება და შესრულდეს ჩემს მიერ წამოყენებული სხვა პრინციპები“, – განაცხადა ესპერმა.
