აშშ-ის დაზვერვის ეროვნული საბჭოს მიერ მომზადებულ ანგარიშში ნათქვამია, რომ ვლადიმერ პუტინის მეთაურობით, რუსეთი სავარაუდოდ, აშშ-ის 2020 წლის არჩევნებში ჩარევას დონალდ ტრამპის სასარგებლოდ ცდილობდა.
ინფორმაციას ამის შესახებ Reuters-ი ავრცელებს.
15-გვერდიან დოკუმენტში აღნიშნულია, რომ 3 ნოემბრის საპრეზიდენტო არჩევნების წინ რუსეთი ავრცელებდა უსაფუძვლო ბრალდებებს მაშინდელი დემოკრატი კანდიდატის, ჯო ბაიდენის შესახებ. ამასთან, ანგარიშის ავტორები მიიჩნევენ, რომ ვლადიმერ პუტინი ტრამპის სასარგებლოდ არჩევნებში ჩარევას ზედამხედველობდა ან სულ მცირე ეს მისი ნებართვით ხდებოდა.
არჩევნებში ჩარევის მცდელობების გამო ვაშინგტონმა შესაძლოა, მოსკოვს სანქციები დაუწესოს.
