შავი ჭირის დიაგნოზი დაუსვეს კოლორადოელ კაცს აშშ-ში, თუმცა მედიკოსები განგაშის მიზეზს ვერ ხედავენ. ამის შესახებ გაზეთი Denver Post-ი წერს.
ეს 2015 წლის შემდეგ შტატში ამ დაავადებით ინფიციერების პირველი შემთხვევაა. ვარაუდობენ, რომ მას ინფექცია ციყვისგან გადაედო.
შავი ჭირი კოლორადოში ცხოველებს 1940 წლიდან ემართებათ, ამბობს ადგილობრივი ჯანდაცვის სამმართველოს ვეტერინარი ჯენიფერ ჰაუსი.
მისი განმარტებით, ის ძირითადად მღრღნელებს ემართებათ, იშვიათად კი სხვა ცხოველებსაც, მათ შორის კატებს და ძაღლებს. ზოგჯერ ინფიცირდებიან ადამიანებიც.
დაავადებულთა უმეტესობა ანტიბიოტიკებით მკურნალობას ექვემდებარებიან.
ბოლო 15 წლის განმავლობაში კოლორადოში შავი ჭირით სულ 21 ადამიანი დაავადდა.
