შეერთებული შტატები ჩინური აპლიკაციების, მათ შორის TikTok-ის, აკრძალვის საკითხს განიხილავს. განცხადება ამის შესახებ აშშ-ის სახელმწიფო მდივანმა, მაიკ პომპეომ გააკეთა. ინფორმაციას Reuters-ი ავრცელებს.
„არ მსურს, პრეზიდენტზე ადრე ვისაუბრო ამ თემაზე, მაგრამ ამ საკითხზე ჩვენ ვმუშაობთ“,- განაცხადა სახელმწიფო მდივანმა.
ამერიკელი კანონმდებლები ჩინურ აპლიკაცია TikTok-ის მომხმარებელთა პერსონალური მონაცემების უსაფრთხოებასთან დაკავშირებით უკმაყოფილებას გამოხატავენ და აცხადებენ, რომ შეშფოთებულები არიან ჩინეთის კანონებით, რომელიც ადგილობრივი კომპანიებისგან „სადაზვერვო საქმიანობაში დახმარებასა და თანამშრომლობას“ ითხოვს.
აქვე, შეგახსენებთ, რომ ინდოეთის მთავრობამ TikTok, WeChat და ათეულობით ჩინური აპლიკაცია აკრძალა. მათი განცხადებით, აპლიკაციები ქვეყნისთვის საფრთხეს წარმოადგენენ.
