ახალგაზრდული ორგანიზაცია „იმოქმედეს“ წევრებმა აჭარის მთავრობის ადმინისტრაციული შენობის მიმდებარე ტერიტორიაზე განთავსებულ ერთ-ერთ კარავზე ბანერი გააკრეს. ბანერზე გამოსახულია აჭარის მთავრობის თავმჯდომარე თორნიკე რიჟვაძე, რომელიც ბუშტებს ხეთქავს.
„გლობოფიბია თორნიკე რიჟვაძე. მას ეშინია ბუშტების. აქ გამოვაკარით ეს პოსტერი სიმბოლურად , სადაც ხედავთ თორნიკე რიჟვაძე როგორ ხეთქავს ბუშტებს. ზუსტად ასე, სამი დღეა ადამიანს ეშინია ბუშტების და გვიხეთქავს. მე მინდა აქედან მივმართო მას, ნუ გეშინია ბუშტების. ბუშტებს აი აქ დავკიდებთ ჩვენ კიდე, ეს არ არის არც ბომბი, არც არაფერს დაგიშავებს, ბუშტია ჩვეულებრივი უწყინარი“ – განაცხადა „იმოქმედეს“ წევრმა ბაჩი მექვაბიშვილი.
შეგახსენებთ, აჭარის მთავრობის სახლთან, ოპოზიციის წევრებსა და სამართალდამცავებს შორის ფიზიკური დაპირისპირების დროს პოლიციამ 2 პირი დააკავა. დაკავებულია რეზო ხარაზი და ირაკლი ჩხვირკვია.
