ოპოზიციური ერთობის ახალგაზრდული ორგანიზაციების წარმომადგენლებმა აჭარის უმაღლეს საბჭოსთან ცოცხალი ჯაჭვი შეკრეს. როგორც აქციის მონაწილეები აცხადებენ, ამ ფორმით ისინი აპროტესტებენ 31 ოქტომბრის არჩევნებს. მათივე თქმით, არჩევნები ხელისუფლებამ გააყალბა და ამიტომ, ბიძინა ივანიშვილი და რუსული ოცნება უნდა წავიდეს ხელისუფლებიდან.
„არ შევუშვებთ შენობაში და გადაუარონ ახალგაზრდებს, რომლებიც აქ არიან შეკრებილები. კიდევ ერთხელ ვაფრთხილებთ ბიძინა ივანიშვილს და მის მონებს, არ შევუშვებთ მათ უმაღლეს საბჭოში და ყველგან ექნებათ დისკომფორტი. ყველგან, სადაც კი ისინი იქნებიან. ჩვენ ყველას წაგვართვვეს ხმები და ახალგაზრდები იმისთვის ვდგავართ აქ, რომ ჩვენს ხმებს ვიცავთ.
ადგეს პირდაპირ ბიძინა ივანიშვილი და როგორც მოუნდება შეუშვას ყველა, ვინც მას მოუნდება უმაღლეს საბჭოში? ნურას უკაცრავად.
ახალგაზრდები ვდგავართ ერთად. ჩვენ არ დავიშლებით, ყველგან შევუქმნით დისკომფორტს მას“, – განაცხადა აქციის ერთ-ერთმა მონაწილემ ბაჩი მექვაბიშვილმა.
