ავსტრალიაში „ფაიზერის“ გამოყენების ნებართვა 12-15 წლის ბავშვებშიც გასცეს. ამის შესახებ ადგილობრივი მედია წერს.
გადაწყვეტილება ავსტრალიის მედიკამენტების მარეგულირებელმა ორგანიომ დაამტკიცა.
როგორც ქვეყნის ჯანდაცვის მინისტრი ამბობს, მედიკამენტების მარეგულირებელმა ვაქცინის გამოყენების დამტკიცებამდე მტკიცებულებები კარგად შეისწავლა.
„ეს ძალიან კარგი ამბავია. ეს არის დამატებითი დაცვა სერიოზული დაავადებების მქონე ბავშვებისთვის“,- აცხადებს მინისტრი.
აქამდე ავსტრალიაში „ფაიზერით“ 16 წლის ასაკის ზემოთ პირებს ცრიდნენ.
ბოლო მონაცემებით, ქვეყანაში სრულად ვაქცინირებული მოსახლეობის 15%-ია. დაინფიცირების შემთხვევების მატების გამო ავსტრალიის მოსახლეობის ნახევარზე მეტი მკაცრ „ლოქდაუნშია“.
