ყვარლის მუნიციპალიტეტში ახალგაზრდა მამაკაცი ავტოსაგზაო შემთხვევის შედეგად მძიმედ დაშავდა. შემთხვევა ყვარელი-ახალსოფლის დამაკავშირებელ გზაზე მოხდა.
თვითმხილველების ინფორმაციით, მსუბუქი ავტომობილის მძღოლმა, საჭე ვერ დაიმორჩილა, სავალი ნაწილიდან გადავიდა და რკინის მესერს შეეჯახა.
ძლიერი შეჯახების შედეგად, ავტომანქანა ამოტრიალდა და მძღოლი ქვეშ მოიყოლა.
დაშავებული სასწრაფო-სამედიცინო დახმარების ბრიგადამ ყვარლის საავადმყოფოში გადაიყვანა. ავტოსაგზაო შემთხვევის სავარაუდო მიზეზად გადაჭარბებული სიჩქარე სახელდება.
ავტორი: ხათუნა გულიაშვილი
