აშშ-ის ყოფილი ლიდერ დონალდ ტრამპის სატელეფონო საუბრების შინაარსი მის რუს კოლეგასთან, ვლადიმერ პუტინთან, ამ დრომდე რჩება საიდუმლოდ. თუმცა ახლა ამ ჩანაწერებზე წვდომა ახალ პრეზიდენტ ჯო ბაიდენს უკვე აქვს. ამის შესახებ გაზეთი Politico წერს.
მისი ინფორმაციით, გასაიდუმლოებულია ათობით ასეთი საუბრის შინაარსი. მისი გაცნობის შემთხვევაში, უკვე გარკვეული გახდება, აძლევდა თუ არა ტრამპი ოუტინს რამე სახის საიდუმლო ინფორმაციას და დებდა თუ არა რამე შეთანხმებას, რასაც ახალი ადმინისტრაციის ჩიხში შეყვანა შეუძლია.
„მათ ამისთვის სპეციალური დაშვება არ სჭირდებათ. უკვე ბაიდენის ხელში ყველა მასალა“, – წერს გაზეთი ტრამპის ადმინისტრაციის ყოფილ ჩინოვნიკზე დაყრდნობით.
გამოცემის ცნობით, ტრამპი „განსაკუთრებულად უფრთხილდებოდა“ თავის სატელეფონო საუბრების ჩანაწერებს უცხო ქვეყნების ლიდერებთან, ზოგჯერ ზღუდავდა კიდეც მასზე საკუთარი კაბინეტის წევრებისა და თანამშრომლების წვდომასაც კი. თუმცა, მიუხედავად იმისა, რომ სატელეფონო საუბრები ოფიციალურად არ იწერებოდა, თანაშემწეები, როგორც წესი ისმენდნენ და იწერდნენ მას.
ცალკეული სტენოგრამები, მათ შორის პუტინთან საუბრისაც, არ წაშლილი და ისინი, წესისამებრ ნაციონალურ არქივში გაიგზავნა, – აცხადებს ტრამპის ადმინისტრაციის თანამშრომელი.
ამასთან, ტრამპის ყოფილი მრჩევლები გაზეთთან ინტერვიუში აცხადებენ, რომ ის პრეზიდენტ პუტინთან იშვიათად ამბობდა ისეთ რამეს, რასაც საჯაროდ არ იტყოდა.
