ბათუმის ინფექციურ საავადმყოფოში კორონავირუსით ინფიცირებული არასრულწლოვნების რიცხვი 16- მდე გაიზარდა.
როგორც კლინიკის დირექტორი ციური აბულაძე „პრაიმტაიმთან“ საუბრისას აცხადებს, ორ არასრულწლოვანს პნევმონიის მსუბუქი ფორმა აქვს და ყველა არასრულწლოვანის ჯანმრთელობის მდგომარეობა დამაკმაყოფილებელია.
„ჩვენთან 16 არასრულწლოვანია მოთავსებული, მათი ჯანმრთელობის მდგომარეობა დამაკმაყოფილებელია, მხოლოდ ორს აღენიშნება პნევმონია მსუბუქი ფორმით.
ყველაზე პატარა ინფიცირებული ბავშვი წლის და ორი თვისაა. მასთან ერთად ჩვენთან ოჯახის ინფიცირებული სხვა წევრებიც იმყოფებიან – დედა, ბებია და მამა. თავს კარგად გრძნობენ.
საერთო ჯამში, კლინიკაში 40 კოვიდინფიცირებული პაციენტი გვყავს. 12 მათგანი კვლევის შედეგებს ელოდება. სულ კლინიკაში 16 პაციენტს აქვს პნევმონია მსუბუქი მიმდინარეობის,”- აცხადებს ციური აბულაძე.
