აჭარაში ეპიდემიოლოგიური სიტუაციის გაუარესების გამო, საკოორდინაციო საბჭოს გადაწყვეტილებით, ხვალ დილიდან აქტიური თერმოსკრინინგი იწყება.
ამ მიზნით, ორი სპეციალური პუნქტი განთავსდება. ერთი თამარის დასახლებაში, ცენტრალურ მაგისტრალზე და მეორე ზემო აჭარის დამაკავშირებელ გზაზე, სადაც ხვალიდან ბათუმში შემსვლელებსა და ქალაქიდან გამსვლელებს თერმოსკრინინგი ჩაუტარდებათ.
„გამკაცრდა კონტროლის აღსრულება და ადმინისტრირება ყველა დონეზე. იწყება მოქალაქეთა თერმოსკრინინგი. ამ ეტაპზე ორი საგუშაგო მოეწყობა. თუკი მოქალაქეს ცხელება ექნება დაბალი, რამდენჯერმე გადამოწმებით, პირი გადაყვანილი იქნება საკარანტინე სივრცეში, აღებული იქნებალა ბორატორიული დიაგნოსტიკისთვის ნიმუში და მხოლოდ პისიარ ტესტირების შედეგის მიხედვით დატოვებს ამ საკარანტინო სივრცეს. რაც შეეხება მაღალ ჩხელებას, 38 და ზევით, გადაყვანილი იქნება ცხელების კლინიკაში შემდეგი დიაგნოსტიკისათვის საგანგებო სამსახურის მიერ” – განაცხადა აჭარის ჯანდაცვის მინისტრმა ნინო ნიჟარაძემ.
ამ წუთებში ბათუმის შესასვლელში თერმოსკრინინგისთვის სპეციალური კარავი მონტაჟდება.
