ბათუმში ასობით მძღოლმა საპროტესტო აქცია-მსვლელობა მოაწყო ქუჩებში და საწვავის გაძვირება გააპროტესტა.
როგორც აქციის მონაწილეები აცხადებენ, საწვავის ფასების შემცირებასა და ფასების დასტაბილურებას მოითხოვენ, წინააღმდეგ შემთხვევაში კი ფართომასშტაბიან პერმანენტულ აქციებს აანონსებენ.
„ვაპროტესტებთ საწვავის გაძვირებას. აქ შეკრებილი არიან ჩვეულებრივი მოქალაქეები, სამარშრუტო ტაქსის მძღოლები, ტაქსის მძღოლები, რომლებსაც ყოველდღიურ რეჟიმში უწევთ შრომა და ოჯახების რჩენა. საწვავის გაძვირება მძიმედ დააწვება ჩვენს ოჯახებს და ჩვენს შემოსავალს. ისედაც მძიმე მდგომარეობაა ქვეყანაში, გაჭირვებაა, პანდემიის გამო ვერ ვმუშაობდით. ამიტომ ვთხოვთ ხელისუფლებას, რომ მოგვაქციოს ყურადღება. ამ მძიმე ეკონომიკურ სიტუაციაში საწვავის გაძვირება არ გვაწყობს.
ამ აქციას პერმანენტული ხასიათი ექნება და უფრო ფართომასშტაბიანს გავაკეთებთ, თუ საწვავის არ გაიაფდება” – აცხადებს აქციის ერთ-ერთი მონაწილე მიშა ქავთარაძე.
ავტორი: ნაირა ქობულაძე
