აჭარის მთავრობის სახლთან მიმდინარე გაერთიანებული ოპოზიციის აქციაზე ორგანიზაცია „არ დათმოს” წევრების მიერ ადმინისტრაციულ შენობაზე სტიკერების გაკვრის მცდელობას ხმაური და დაპირისპირება მოჰყვა.
დაპირისპირების დროს სამი პირი დააკავეს, მათ შორის ენმ-ის ერთ-ერთი ლიდერი ჯელალ ქიქავა. ისინი პოლიციის მოთხოვნაზე დაუმორჩილებლობის გამო აიყვანეს.
დაპირისპირების დროს დაშავდა ერთი ადამიანი, რომელიც კლინიკაში გადაიყვანეს.
„ნაციონალური მოძრაობის” წარმომადგენლების განცხადებით, სტიკერების გაკვრის საშუალება პოლიციამ არ მისცა, რასაც ჯერ სიტყვიერი და შემდეგ ფიზიკური დაპირისპირება მოჰყვა.
შს სამინისტროს ინფორმაციით, სამართალწარმოება 173-ე და 166-ე მუხლებით დაიწყო, რაც პოლიციელზე წინააღმდეგობის გაწევას და დაუმორჩილებლობას გულისხმობს.
„აქციის დროს სტიკერები კედელზე განათავსეს, რასაც დაპირისპირება მოჰყვა. პოლიცია ადამიანების გამოხატვის თავისუფლებას უნდა იცაცდეს, ნაცვალდ ამისა პოლიციელები მოქალაქეებს დაუპირისპორდნენ, რის შედეგადაც ერთი ადამიანი დაშავდა, რამდენიმე პირი კი უსამართლოდ დააკავეს”,- განაცხადა ენმ-ის ერთ-ერთმა ლიდერმა მირდატ ქამადაძემ .
შეგახსენებთ, აჭარის მთავრობის შენობასთან ხელახალი არჩევნების მოთხოვნით გაერთიანებული ოპოზიციის წევრები აქციას 8 ნოემბრიდან მართავენ.
