ავტოსაგზაო შემთხვევა მოხდა ბათუმში ინასარიძის ქუჩაზე. მსუბუქი ავტომობილი ქვეითს დაეჯახა.

დაშავებული სასწრაფო-სამედიცინო დახმარების ბრიგადამ ბათუმის რეფერალურ საავადმოფოში გადაიყვანა. მას სხეულის მრავლობითი დაზიანება აღენიშნება.

როგორც რეფერალურ საავადმყოფოში “პრაიმტაიმს” უთხრეს, პაციენტს კლინიკურ-ლაბორატორიული კვლევები უტარდება და ამ ეტაპზე მისი ჯანმრთელობის მდგომარეობის შესახებ კომენტარს ვერ გააკეთებენ.

შს სამინისტროს ინფორმაციით, ფაქტზე გამოძიება 276-ე მუხლის მეორე ნაწილით დაიწყო.

ავტორი: ნაირა ქობულაძე