„არაფორმალური მმართველობა ჩვენს ქვეყანაში არც მაშინ იყო და არც ახლა გაგრძელება. ბატონი ბიძინა თავის წერილში, არგუმენტაციაში ძალიან ნათლად ხსნის, როგორც პოლიტიკიდან წასვლის მიზეზებს, ასევე ძალიან ცალსახად აღნიშნავს, რომ ის ტოვებს არა მარტო პარტიის თავმჯდომარის პოზიციას, არამედ საერთოდ გადის პოლიტიკური ცხოვრებიდან”,- ამის შესახებ რეგიონალური განვითარებისა და ინფრასტრუქტურის მინისტრმა მაია ცქიტიშვილმა განაცხადა.
მისივე თქმით, “ქართული ოცნების” ყოფილი თავმჯდომარე ბიძინა ივანიშვილი საქართველოს დატოვებას არ აპირებს.
“რა თქმა უნდა, ბატონი ბიძინა საქართველოს დატოვებას არ აპირებს. ასევე მინდა ყველა იმ ოპონენტს ვუპასუხო, რომელიც მსგავსი ტიპის სპეკულაციებს აკეთებს, სხვადასხვა ვერსიებს წარმოაჩენს, დრო გვიჩვენებს ძალიან ნათლად ყველაფერს. იმას, თუ რამდენად თანმიმდევრული იყო ყოველთვის მისი გადაწყვეტილებები. მინდა მის ოჯახს კიდევ ერთხელ დიდი მადლობა გადავუხადო. მან მოგვცა შესაძლებლობა იმისა, რომ თუნდაც ამდენი თავისუფალი მედია საშუალება იყოს, ასევე როგორც სიტყვის თავისუფლება, ასევე ზოგადად თავისუფლება ჩვენი მთავარი ღირებულება იყოს”, – განაცხადა ცქიტიშვილმა.
