გუშინ ინფექციური საავადმყოფოს დირექტორს, თენგიზ ცერცვაძეს კორონავირუსი დაუდასტურდა. „პრაიმტაიმნიუსი“ დაინტერესდა, გადავიდნენ თუ არა მასთან შემხებლობაში მყოფი პირები, მათ შორის, ექიმები იზოლაციაში.
როგორც ინფექციური საავადმყოფოს სამედიცინო დირექტორმა მარინა ეზუგბაიამ „პრაიმტაიმნიუსთან“ საუბრისას განაცხადა, ბატონ თენგიზთან გარკვეულ პირებს რეგულაციების დაცვით ჰქონდათ შეხება, შესაბამისად, მისი კონტაქტები არ არსებობს.
„შემხებლობაში მაშინ ხარ, როცა დაუცველი კონტაქტი გაქვს. ჩვენ ერთმანეთთან ყოველთვის გვაქვს დაცული კონტაქტები, აქედან გამომდინარე, ბატონი თენგიზის კონტაქტები, როგორიც ასეთი, არ არსებობს“,- განაცხადა ეზუგბაიამ..
ინფორმაციისთვის, გუშინ ინფექციური საავადმყოფოს დირექტორს, თენგიზ ცერცვაძეს კორონავირუსი დაუდასტურდა. მისი ჯანმრთელობის მდგომარეობა დამაკმაყოფილებელია. ამ ეტაპზე, ის ვირუსზე სახლში მკურნალობს.
