კორონავირუსი ბანკნოტების, ტელეფონის ეკრანებისა და უჟანგავი ფოლადის ზედაპირზე სიცოცხლისუნარიანობას 28 დღის განმავლობაში ინარჩუნებს. ინფორმაციას BBC-ი ავრცელებს.
ავსტრალიის ეროვნული სამეცნიერო სააგენტოს მიერ ჩატარებული კვლევის მიხედვით, SARS-Cov-2-ის ინფექციას სხვადასხვა ზედაპირზე გადარჩენა უფრო დიდხანს შეუძლია, ვიდრე ადრე იყო მიჩნეული.
შედარებისთვის, გრიპის ვირუსს იმავე პირობებში გადარჩენა 17 დღის განმავლობაში შეუძლია.
ასევე, კვლევამ აჩვენა, რომ ვირუსი დაბალ ტემპერატურაზე უფრო დიდხანს ცოცხლობდა, ვიდრე ცხელზე.
ამასთან, ზოგიერთი ექსპერტი ნივთების ზედაპირიდან ინფექციის გადაცემის რისკს ეჭვქვეშ აყენებს. მეცნიერთა ნაწილის მოსაზრებით, ვირუსი ყველაზე ხშირად ხველისა და საუბარის დროს ვრცელდება.
კვლევა კარდიფის უნივერსიტეტის გაციების ცენტრის ყოფილმა დირექტორმა, რონ ეკლსმა გააკრიტიკა. მისი თქმით, მოსაზრება იმის შესახებ, რომ ვირუსი შეიძლება, გადარჩეს 28 დღის განმავლობაში, „არასაჭირო შიშს იწვევს საზოგადოებაში“.
