ბოლო 24 საათში 131 სამედიცინო პერსონალი დაინფიცირდა. ამის შესახებ დაავადებათა კონტროლის ცენტრის ხელმძღვანელმა ამირან გამყრელიძემ მთავრობის ადმინისტრაციაში გამართულ ბრიფინგზე განაცხადა.
„ბოლო 24 საათში 1759 ინფიცირებულიდან 131 სამედიცინო პერსონალია, ეს არ არის მარტო პროფესიული საქმიანობის დროს ინფიცირება. მოგეხსენებათ ჩვენ საკმაოდ სერიოზული ოჯახური გავრცელება გვაქვს. ამ 131 ბევრი არის რომელთაც ოჯახური კონტაქტებით გაუვრცელდათ. რადგან ჩვენც ექიმებს გვყავს ოჯახები და ვცხოვრობთ ამ ქვეყანაში, ეს მხოლოდ პროფესიოული დაინფიცირება არ გახლავთ“, – განაცხადა ამირან გამყრელიძემ.
ცნობისთვის, დღეს კორონავირუსის კიდევ ერთი ანტირეკორდი 17589 ინფიცირების შემთხვევა დაფიქსირდა. ამასთან გარდაიცვალა 5 ადამიანი.
ამ დროისთვის ქვეყანაში კორონავირუსით 183 ადამიანია გარდაცვლილი.
ჯამში საქართველოში ინფიცირების 24562 შემთხვევაა დაფიქსირებული.
