„ოპოზიციის რადიკალურ ნაწილს ჩაუვარდა გეგმა. მათ ჰქონდა ორი არგუმენტი, რომ თითქოს არჩევნები გაყალბდა და თითქოს „ქართული ოცნება“ იქნებოდა მარტო პარლამენტში, დღეს ეს ორივე არგუმენტი რადიკალურ ოპოზიციას აქვს პრაქტიკულად დაკარგული”,- ამის შესახებ პალამენტის თავმჯდომარემ არჩილ თალაკვაძემ განაცხადა.
„ოპოზიციის რადიკალურ ნაწილს ჩაუვარდა გეგმა. მათ ჰქონდა ორი არგუმენტი, რომ თითქოს არჩევნები გაყალბდა და თითქოს „ქართული ოცნება“ იქნებოდა მარტო პარლამენტში, დღეს ეს ორივე არგუმენტი რადიკალურ ოპოზიციას აქვს პრაქტიკულად დაკარგული. ისინი ვერც კი ბედავენ, რომ ამ ბრალდებების გადამოწმებაში ჩაერთონ და მოიტანონ მათ ის არგუმენტები, რომლითაც საზოგადოებას არწმუნებდნენ, რომ არსებობდა, არ არსებობს ასეთი არგუმენტები. მოცემულობა დღეს ეს არის და შესაბამისად, დარჩნენ რა ამ თავის წარუმატებელი პროექტის ამარა, დღეს მათი ერთადერთი სასაუბრო ხალხთან გახლავთ ის, რასაც ქართულ ზეპირსიტყვიერებაში ასე გამოხატავენ: წყალწაღებული ხავსს ეჭიდებოდაო, ანუ ვინაიდან ჩაუვარდათ თავისი დესტაბილიზაციისა და საბოტაჟის გეგმა, ახლა მაქსიმალურად ცდილობენ, ილაპარაკონ, რომ თითქოს ირაკლი კობახიძეს აქვს ცუდი ურთიერთობა პრემიერ გახარიასთან, პრემიერ გახარიას შინაგან საქმეთა მინისტრთან, ვიღაცას აქვს დაძაბულობა სხვა თანაგუნდელთან. ეს ცვლილებები არის ჭორი და ეს ჭორი ვის მიერ არის მოგონილი მე განგიმარტეთ,“- განაცხადა არჩილ თალაკვაძემ.
