ჩეხეთმა ქვეყნიდან რუსეთის საელჩოს 70 თანამშრომლის გაძევების გადაწყვეტილება მიიღო. ამის შესახებ ჩეხეთის საგარეო საქმეთა მინისტრმა, იაკუბ კულჰანეკმა განაცხადა. ინფორმაციას Ria ავრცელებს.
„გუშინ რუსეთის ელჩს ვუთხარი, რომ თუ ჩეხ დიპლომატებს მოსკოვში არ დააბრუნებდნენ, ჩეხეთში რუსეთის საელჩოს შემადგენლობას შევამცირებდით. იმის გათვალისწინებით, რომ რუსულმა მხარემ ჩვენს მოთხოვნაზე რეაგირება არ მოახდინა, ამ გადაწყვეტილების განხორციელებას შევუდგებით”,- განაცხადა კულჰანეკმა.
რუსეთის საელჩოს თანამშრომლებმა ჩეხეთის ტერიტორია მაისის ბოლომდე უნდა დატოვონ.
