“ჩვენ მხარდაჭერას და ამ მხარდაჭერის ხარისხს განვსაზღვრავთ მოსახლეობასთან შეხვედრებით“,- ამის შესახებ პარტია, “საქარველოსთვის“ ლიდერმა, ნათია მეზვრიშვილმა NDI-ის კვლევის შესახებ განაცხადა.
მისი თქმით, ხალხის განწყობის ასახვა, მათი პარტიის მიმართ, მომდევნო კვლევებში საგრძნობი იქნება.
“იმ განწყობებით რაც ჩვენი პარტიის და პირველ რიგში ჩვენი ლიდერის მისამართით მოდის და დარწმუნებული ვარ ეს შემდგომ კვლევებში ძალიან საგრძნობი იქნება,” – განაცხადა ნათია მეზვრიშვილმა.
ცნობისთვის, ამერიკის ეროვნულ-დემოკრატიული ინსტიტუტის (NDI) კვლევა გამოაქვეყნა, რომლის მიხედვითაც კითხვაზე, რომელი პარტია დგას თქვენს შეხედულებებთან ყველაზე ახლოს, 51-მა პროცენტმა განაცხადა, რომ არც ერთი პარტია. გამოკითხულთა 30-მა პროცენტმა კონკრეტული პარტია დაასახელა, 19-მა პროცენტმა კი აღნიშნა, რომ არ იცის ან უარი განაცხადა პასუხზე.
მის შეხედულებებთან ყველაზე ახლოს მდგომ პარტიად „ქართული ოცნება“ დაასახელა გამოკითხულთა 18-მა პროცენტმა, „ერთიანი ნაციონალური მოძრაობა“ – ექვსმა პროცენტმა, ასევე ექვსმა პროცენტმა დაასახელა სხვა პარტიები. 10-მა პროცენტმა განაცხადა, რომ არ იცის. პასუხზე უარი განაცხადა ცხრა პროცენტმა.
