შინაგან საქმეთა მინისტრი, ვვახტანგ გომელაური ბათუმში ჩავიდა. მინისტრი ამ წუტებში იმ ადგილზე იმყოფება, სადაც კორპუსი ჩამოინგრა.
შინაგან საქმეთა მინისტრის განცხადებით, ამ დროისთვის მაშველები დაახლოებით 10-15 ადამიანს ეძებენ.
„მძიმე სიტუაციაა ნამდვილად. ჩვენ გამოძიება დავიწყეთ, დავადგენთ რამ გამოიწვია ნგრევა. დაახლოებით 5 სართულია ჩამონგრეული. ჩვენი ინფორმაციით, 10-15 ადამიანი უნდა იყოს მოყოლილი შიგნით, კონტაქტზე გამოდის ორი ადამიანი, რომლებიც ტელეფონით გვეკონტაქტება, თუმცა ვერ გვიხსნიან ჯერ სად არიან. ვესაუბრებით ტელეფონით. ყველაფერს ვაკეთებთ, რომ ყველაფერი სწრაფად მოხდეს. სწრაფად მოქმედება არ გამოდის, შეიძლება უფრო რამე დაშავდეს და რამე მოხდეს“,- აცხადებს გომელაური.
შს მინისტრი კორპუსის ჩამონგრევის სავარაუდო მიზეზებზეც საუბრობს.
„ჩვენი ინფორმაციით, ქვემოთ მიდიოდა სამშენებლო სამუშაოები, მესაკუთრე აკეთებდა და ეს შეიძლება იყოს მიზეზი, თუ დადგინდება რა თქმა უდნა პასუხისგებაში მიეცებმა ეს ადამიანი. საქმე აღძრულია 240-ე მუხლის მეორე ნაწილით“,- განაცხადა ვახტანგ გომელაურმა.
რამდენიმე საათის წინ, ბათუმში, 26 მაისის ქუჩაზე 7 სართულიანი საცხოვრებლის ერთი სადარბაზო ჩამოინგრა.კორპუსი, რომელიც 3 სადარბაზოსგან შედგება, ჩამონგრეულია 1 სადარბაზო. აღნიშნულ კორპუსში დაახლოებით 200-მდე მობინადრე ცხოვრობს.
