„სტრატეგია აღმაშენებლის“ ლიდერის, გიორგი ვაშაძის განცხადებით, ფრაქცია არის მექანიზმი, უფრო ეფექტურად იმუშაონ პარლამენტში.
ვაშაძის თქმით, ფრაქციის, „შარლ მიშელის რეფორმების ჯგუფი“, მთავარი მზიანია, იყვნენ ხხალხის ხმა პარლამენტში.
„დღეს შეიქმნა კიდევ ერთი ფრაქცია, „შარლ მიშელის რეფორმების ჯგუფი“, რომელიც არის, ხაზს ვუსვამ, მრავალპარტიული, არ არის ერთპარტიული ფრაქცია. მასში არიან დამოუკიდებელი დეპუტატები და ადამიანები, რომლებიც მართლაც დაგვეხმარნენ. ზურაბ ჯაფარიძე დაგვეხმარა, ფრაქცია შეგვექმნა. პირველ რიგში, ფრაქცია, ეს არის მექანიზმი, უფრო ეფექტურად ვიმუშაოთ პარლამენტში. ფრაქციის სახელწოდება მოდის იმ შეთანხმებიდან, რომელითაც შემოვედით პარლამენტში და რომელი შეთანხმების რეალიზებაზეც ავიღეთ პასუხისმგებლობა ჩვენი ამომრჩევლის წინაშე.
ჩვენი ფრაქციის მთავარი მიზანია, ვიყოთ ხალხის ხმა პარლამენტში, გავაკეთოთ მაქსიმუმი, რომ საქართველოს მოქალაქეებმა იგრძნონ, პოლიტიკა არის მათთვის, პარლამენტი არის მათთვის და არა მხოლოდ ელიტისთვის, რომელიც ელიტისტურ თემებზე საუბრობს ხოლმე. ჩვენი მიზანია, ვისაუბროთ ხალხის პრობლემებზე, ჩვენ ვქნებით ყველაზე აქტიური ჯგუფი, რათა მალე ცვლილებები შევიტანოთ ქვეყანაში“, – განაცხადა გიორგი ვაშაძემ.
