“დარწმუნებული ვარ, რომ ამნისტიის კანონპროექტს მივიღებთ. სავარაუდოდ, ეს იქნება „ქართული ოცნების“ ვერსია, ტექნიკურად ასე გამოდის. იმედი მაქვს, რომ როცა დავიწყებთ განხილვას, პოზიციები დაახლოვდება”, – ამის შესახებ „გირჩის“ წევრმა, ალექსანდრე რაქვიაშვილმა განაცხადა.

„ზოგადად, შეთანხმების იდეა იყო, რომ ჩვენ მივიღებდით საერთო კანონს, რადგან ეს კანონი ჩვენთვის შერიგებას და ბრძოლის დასრულებას ნიშნავს. იმედია, საბოლოო ჯამში, როცა დაიწყება კონსულტაციები და კანონპროექტების განხილვა, ერთ კანონპროექტზე შევჯერდებით. თეორიულად ამის შანსი არსებობს. ჩვენ ამას ხელს შევუწყობთ“, – განაცხადა ალექსანდრე რაქვიაშვილმა.

შეგახსენებთ, პარლამენტში ამნისტიის 2 კანონპროექტია დარეგისტრირებული, ერთი „ქართული ოცნების“, მეორე კი – ოპოზიციის.