რესპუბლიკური საავადმყოფოს დირექტორი ლევან გოფოძე აცხადებს, რომ საქართველო შეზღუდვების რეჟიმს იმ შემთხვევაში დაუბრუნდება, თუ ქვეყანაში კორონავირუსის პანდემია კიდევ უფრო გამწვავდა. როგორც მან „პრაიმტაიმნიუსთან“ განაცხადა, ნოემბერში ვითარება კიდევ უფრო გართულდება.
„ჩემი რეკომენდაცია ყოველთვის არის ის, რომ მაქსიმალურად დისტანცირებულები ვიყოთ, მაქსიმალურად თავი დავიცვათ, რომ შევამციროთ ვირუსის გავრცელება. ამ ეტაპზე მგონია, რომ ტრანსპორტის შეზღუდვა აუცილებელი არ არის, თუმცა არ ვიცით, როგორ განვითარდება მოვლენები. სეზონური გრიპები ისედაც რთული საქმეა, რაც უფრო ვრცელდება ინფექცია, ქვეყანაში მით უფრო მძიმე პაციენტები ჩნდებიან.
მთელი მსოფლიო პროგნოზირებს, რომ ნოემბერში ვითარება კიდევ უფრო გამწვავდება, ნოემბერი კიდევ უფრო მძიმე იქნება. იმ შემთხვევაში, თუ საქართველოში კიდევ უფრო მძიმე იქნება, დავბრუნდებით შეზღუდვების რეალობაში, თუმცა მე არავნაირ კომპენტენცია არა მაქვს, რომ გითხრათ ასე არის საჭირო. თუ ვირუსი ძალიან გავრცელდა, მართვის ელემენტებიც გადასხვაფერდება“,- განაცხადა გოფოძემ.
ქვეყანაში დღეს კორონავირუსის 1872 შემთხვევა დაფიქსირდა – ამის შესაებ ოფიციალური მონაცემები stopcov.ge-ზე არის გამოქვეყნებული.
