მთავრობის ადმინისტრაციის უფროსის, ნათია მეზვრიშვილის განცხადებით, დედაქალაქში საზოგადოებრივი ტრანსპორტის შეზღუდვა ჯერჯერობით არ განიხილება. ამის შესახებ მან მთავრობის ბრიფინგზე ჟურნალსიტების კითხვის საპასუხოდ განაცხადა.
ასევე, ცნობილი გახდა, რომ დღეიდან მკაცრად გაკონტროლდება პირბადის ტარება გარე სივრცეებში. საქმე ეხება სამ დიდ ქალაქს – თბილისს, ქუთაისსა და ბათუმს. აღნიშნულ ქალაქებში გარეთ პირბადის ტარების მკაცრი რეკომენდაციაა გაცემული.
ბოლო მონაცემებით, საქართველოში კორონავირუსის 1759 ახალი შემთხვევა ფიქსირდება, დღეს გამოჯანმრთელდა კიდევ 350 ადამიანი, ასევე გარდაიცვალა 5 პაციენტი.
