აშშ-ში ამერიკული ფარმაცევტული კომპანია Pfizer-სა და მისი გერმანული პარტნიორის, BioNTech-ის, მიერ შექმნილი კოვიდ 19-ის საწინააღმდეგო ვაქცინის გამოყენებით მოსახლეობის მასობრივი ვაქცინაცია დღეს იწყება. ინფორმაციას ამის შესახებ უცხოური მედია ავრცელებს.
როგორც ცნობილია, ვაქცინით პირველ რიგში მედიკოსები და მოხუცთა თავშესაფრების ბენეფიციარები აიცრებიან.
„ეს არის შემდეგი ნაბიჯი ამერიკელების დასაცავად, Covid-19 პანდემიის გავლენის შემცირებისა და ქვეყანაში ნორმალური მდგომარეობის აღსადგენად“,- განაცხადა ამერიკის დაავადებათა კონტროლის დირექტორმა.
მედიის ცნობით, მარტის ბოლომდე, სავარაუდოდ, 100 მილიონზე მეტი ადამიანი იქნება იმუნიზირებული.
