პენიტენციურ დაწესებულებებში გიორგობის დღესასწაულთან დაკავშირებით ამანათების მიღება დღეს იწყება. ინფორმაციას ამის შესახებ პენიტენციური სამსახური ავრცელებს.
„სპეციალური პენიტენციური სამსახურის დაქვემდებარებაში არსებული ყველა პენიტენციური დაწესებულება ბრალდებულებისთვის/მსჯავრდებულებისთვის გიორგობის დღესასწაულთან დაკავშირებით ამანათების მიღებას იწყებს.
სპეციალური პენიტენციური სამსახური ამანათების მიღების პროცესის შეუფერხებლად წარმართვას უზრუნველყოფს. პენიტენციური სამსახური გილოცავთ გიორგობის დღესასწაულს“, – ნათქვამია პენიტენციური სამსახურის მიერ გავრცელებულ ინფორმაციში.
პენიტენციურ დაწესებულებებში ამანათების მიღება დღეს, 10:00 საათიდან 19:00 საათამდე იქნება შესაძლებელი.
