საქართველოს მეათე მოწვევის პარლამენტში კომიტეტების თავმჯდომარეების მოადგილეების არჩევის პროცესი დღესაც გაგრძელდება. კომიტეტების დღევანდელ სხდომებზე ასევე განხილული იქნება კომიტეტების დებულებები.

კომიტეტების თავმჯდომარეების მოადგილეების არჩევის დასრულების შემდეგ, საკანონმდებლო ორგანო 2021 წლის ბიუჯეტის განხილვის პროცესს გააგრძელებს. ბიუჯეტის პროექტის განხილვა წინა მოწვევის პარლამენტმა დაიწყო. დოკუმენტის გადამუშავებული ვარიანტი უკვე საკანონმდებლო ორგანოშია. ბიუჯეტის დამტკიცება დეკემბრის ბოლომდე მოხდება.