ეროვნული უსაფრთხოების საკითხებში აშშ-ს პრეზიდენტის ყოფილი მრჩევლი, ჯონ ბოლტონი ტრამპის პრეზიდენტობის პერიოდს „საშინლად დამაზიანებელს“ უწოდებს. მისი თქმით, 2020 წლის არჩევნები საბოლოო იმედია, რათა ქვეყანა მისგან თავი დაიცვას. ინფორმაციას ამის შესახებ abcnews-ი ავრცელებს.
„ვიმედოვნებ, რომ ისტორიას ტრამპი, როგორც ერთვადიანი პრეზიდენტი ისე ემახსოვრება. მან ქვეყანა ისეთ ჩიხში შეიყვანა, რომლიდანაც ვერ გამოვალთ. მისი ერთი ვადით პრეზიდენტობას გავუმკლავდებით – ამის მე მჯერა. მე ტრამპის მეორე ვადით არჩევაზე უფრო ვღელავ“,- განაცხადა ბოლტონმა.
ჯონ ბოლტონი თქმით, ის არჩევნებზე არც დონალდ ტრამპს და არც ჯო ბაიდენს არ დაუჭერს მხარს.
„მე არ ვფიქრობ, რომ ტრამპი კონსერვატორი რესპუბლიკელია. დაზუსტებით შემიძლია, გითხრათ, რომ ხმას არც ტრამპს და არც ბაიდენს არ მივცემ. მე მოვძებნი სხვა კონსერვატორ რესპუბლიკელს და ხმას მას მივცემ“,- განაცხადა ბოლტონმა.
შეგახსენებთ, რომ დონალდ ტრამპმა ეროვნული უსაფრთხოების ყოფილი მრჩეველი, ჯონ ბოლტონი 2019 წლის სექტემბერში გარკვეულ საგარეო საკითხებთან დაკავშირებით უთანხმოების გამო გაათავისუფლა.
ჯონ ბოლტონი 23 ივნისს თავისი წიგნის „ოთახი, სადაც ეს მოხდა – თეთრი სახლის მემუარები“ აპირებს, სადაც მისი დონალდ ტრამპთან მუშაობის პერიოდია აღწერილი.
აშშ-ს იუსტიციის დეპარტამენტის სარჩელის (არ მიეცათ ბოლტონისთვის წიგნის გამოქვეყნების უფლება) მიუხედავად , სასამართლომ წიგნის გამოქვეყნება არ აკრძალა.
გამომცემლობა Simon & Schuster-ის ინფორმაციით, წიგნი შეიცავს ინფორმაციას ტრამპის „არათანმიმდევრული გადაწყვეტილების მიღების პროცესის შესახებ“ და ეს არის წიგნი, „რომლის წაკითხვაც ტრამპს არ სურს“.
