პანკისის ხეობის სოფელ დუისში, მომხდარ მკვლელობაში სავარაუდო ბრალდებული დაკავებულია.

სიმონ მარგოშვილი, კახეთის პოლიციის დეპარტამენტის თანამშრომლებს წინასწარი მოთავსების იზოლატორში, ამ წუთებში გადაჰყავთ.

45 წლის მარგოშვილი სამართალდამცავებს თვითონ მას შემდეგ ჩაბარდა, რაც ქავთარაშვილების გვარმა, მარგოშვილებს შუამავალი გაუგზავნა და სავარაუდო დამნაშავის მიყვანა მოსთხოვა.

შეგახსენებთ, მკვლელობა 17 იანვარს მოხდა.

სავარაუდოდ, სიმონ მარგოშვილმა, მისივე თანასოფლელი, 40 წლის იბრაჰიმ ქავთარაშვილი ცივი იარაღის გამოყენებით მოკლა და შემთხვევის ადგილიდან მიიმალა.

მკვლელობის მოტივი, ამ დრომდე უცნობია.

გამოძიება მომხდარ ფაქტზე, სისხლის სამართლის კოდექსის 108- ე მუხლით დაიწყო.

სამართალდამცავები მარგოშვილს ოთხი დღის განმავლობაში ეძებდნენ.

ავტორი: ხათუნა გულიაშვილი