ეიფელის კოშკი, რომელიც კორონავირუსის პანდემიის გამო დაახლოებით სამი თვის განმავლობაში დაკეტილი იყო, ტურისტებისთვის დღეს გაიხსნა. ამის შესახებ BBC-ი იუწყება.
თუმცა, ვირუსის პრევენციის მიზნით, გარკვეული შეზღუდვები ძალაში კვლავ დარჩა. კერძოდ, ვიზიტორების რაოდენობა შეზღუდულია, 11 წელზე უფროსი ასაკის ყველა ადამიანისთვის პირბადის ტარება სავალდებულოა.
კოშკის მეორე სართულის გარდა, ყველა სართული დაკეტილი იქნება. სტუმრებს კიბის გამოყენება მოუწევთ, რადგან ლიფტებით სარგებლობა 1 ივლისამდე აკრძალულია.
ეიფელის კოშკს ყოელწლირად 7 მილიონი ტურისტი სტუმრობს.
ასევე, შეგახსენებთ, რომ შენგენის ვიზის მფლობელებს, რომლებიც პანდემიის გამო საფრანგეთში ჩარჩნენ, დროებითი ბინადრობის უფლებას მისცემენ.
