„თუ ღალატს აქვს ადგილი, დაცვა არ გამოვა. თუ აბრალებ ადმიანს, ეგ კიდევ უარესი. ეკლესია არვის არ აჭერინებს ხოლმე. თუ დამნაშავე არ არის, ეგეც გამოჩნდება“,- ამის შესახებ ბოდბის ეპარქიის მთავარეპისკოპოსმა, იაკობმა დავით გარეჯის საქმეზე დაკავებულებთან დკავშირებით საუბრისას განაცხადა.
როგორც იგი ამბობს, მას პირადად საგამოძიებო უწყებასთან შეხება არ აქვს.
„მე თემები ადრე ვიცოდი. ალბათ, სჯობს, დაველოდოთ. ყველამ იცოდა. მათ ვერც ვერაფერს დავაბრალებ და ვერც იმას ვიტყვი, რომ ფრთიანი ანგელოზები არიან…
სიტუაცია ისეთია, შეიძლება პრეზუმცია დავარღვიოთ ადამიანის. ვარიანტებს ვერასდროს გამორიცხავთ. სინამდვილეში რა არის, წესით წესიერმა სასმართლომ უნდა გვანახოს. ჩვენს ქვეყანაში სულ არჩევნებია და ვის როდის გაახსენდა, ეს არ ვიცი. უშუალოდ არ მგონია კირიონის ჩვენების გამო იყვნენ დაკავებულები.
ბატონი ივერი კომისიიდან რომ ჩახსნეს, ალბათ ეტყოდნენ რატომაც ჩახსნეს. რეალურად ეს ტერიტორია არის ჩვენი. რუკებს, რომლებსაც იყენებდნენ, იყო ისეთი კაზუსი, რომ ჩვენ კი ვიცით რომ ეს ტერიტორია ჩვენია, თუმცა რუკაზე რაღაც ბუნდოვანება იყო. ორივე თავისი საქმის პროფესიონალია“,- აღნიშნა ეპისკოპოსმა იაკობმა.
ცნობისთვის, საქართველოს პროკურატურამ დავით გარეჯის საქმეზე საზღვრების დამდგენი კომისიის ყოფილი თავმჯდომარე და კომისიის ყოფილი წევრი დააკავა. კერძოდ – საქართველოს საგარეო საქმეთა სამინისტროს მეზობელი ქვეყნების დეპარტამენტის სასაზღვრო ურთიერთობათა სამსახურის უფროსი – ივერი მლაშვილი და საქართველოს შს სამინისტროს სასაზღვრო პოლიციის სახმელეთო საზღვრის დაცვის დეპარტამენტის მთავარი ინსპექტორი ნატალია ილიჩოვა.
იხილეთ პროკურატურის მიერ გავრცელებული ვიდეო
დაგაინტერესებთ: ექსპერტის პირველი კომენტარი, რომელმაც დავით გარეჯის საქმეზე დასკვნა მოამზადა
