სხალთის ხეობის ორი სოფლის, წაბლანისა და ტაბლიანის მოსახლეობა, დაახლოებით 224 ოჯახი, მოითხოვს მათთვის აშენებული და განკუთვნილი ბინების ინფრასტრუქტურის მოწესრიგებას და ნორმალურ პირობებში ჩაბარებას.

დღეს მათ გამაფრთხილებელი აქცია გამართეს და ხელისუფლებას პასუხისთვის ათ დღიანი ვადა მისცეს. წინააღმდეგ შემთხვევაში, ისინი მთავრობის სახლთან პერმანენტულ აქციებს აანონსებენ.

უარყოფითი პასუხის შემთხვევაში, მოსახლეობა იმუქრება, რომ არჩევნებს ბოიკოტს გამოუცხადებს. „რაც დაგვპირდნენ, არ შეგვისრულეს, შეგვყარეს ბინებში, სადაც მხოლოდ ოთხი კედელია. ძალიან მარტივი შეკითხვა და მარტივი მოთხოვნა გვაქვს, გაგვცეს ათი დღის განმავლობაში ხელისუფლებამ პასუხი, გაგვირემონტებენ თუ არა ამ ბინებს. თუ არა, მერე მივმართავთ გადამჭრელ ზომებს.

ჩვენ ერთადერი პრინციპული მოთხოვნა გვაქვს, გაგვირემონტონ ბინები, რაც მოგვცეს. სადაც მოუწესრიგებელია ყველაფერი, ინფრასტრუქტურა, არ არის წყალი, გაზი, შუქი, გაუმართავია ლიფტი, გაუსაძლის მდგომარეობაშია მოსახლეობა. ძალიან უკმაყოფილო ვართ”- განაცხადა აქციუს ერთ-ერთმა მონაწილემ დათო შაინიძე.

ინფორმაციისთვის, სოფელ წაბლანაში 1989 წელს განვითარებულმა მეწყრულმა სტიქიამ 24 ადიანის სიცოცხლე იმსხვერპლა. ეკოლოგიურად დაზარალებულ ოჯახებისთვის მთავრობამ ბათუმში ლეონიძის ქუჩაზე საცხოვრებელი კორპუსი ააშენა.

ავტორი: ნაირა ქობულაძე