ვიზიარებთ ავსტრიელი ხალხის მწუხარებასა და შოკს,- საფრანგეთის პრეზიდენტი, ემანუელ მაკრონი ვენაში მომხდარ თავდასხმას სოციალურ ქსელ Twitter-ზე ეხმაურება.

„ჩვენ, ფრანგი ხალხი ვიზიარებთ ავსტრიელი ხალხის მწუხარებასა და შოკს. საფრანგეთის შემდეგ, ჩვენს მეგობარზე განხორციელდა თავდასხმა. ჩვენმა მტრებმა უნდა იცოდნენ, ვისთან აქვთ საქმე“, – წერს მაკრონი.

შეგახსენებთ, რომ ვენაში თავდასხმა 2 ნოემბერს, ადგილობრივი დროით 20:00 საათზე მოხდა. პოლიციის ინფორმაციით, შეიარაღებულმა პირმა ცეცხლი სხვადასხვა ლოკაციაზე გახსნა, მათ შორის ერთი სინაგოგის მიმდებარე ტერიტორია იყო.

ასევე, 29 ოქტომბერს, საფრანგეთის ქალაქ ნიცაში დანით შეიარაღებულმა პირმა სამი ადამიანი მოკლა და რამდენიმე დაჭრა.

Wir, Franzosen, teilen den Schock und die Trauer von der Österreicher nach einer Angriff in Wien. Nach Frankreich ist es ein befreundetes Land, das angegriffen wird. Dies ist unser Europa. Unsere Feinde müssen wissen, mit wem sie es zu tun haben. Wir werden nichts nachgeben.

— Emmanuel Macron (@EmmanuelMacron) November 2, 2020