ჩვენ ვერ გადავწყვეტთ მსოფლიოს პრობლემებს მარტო. უნდა ვიმუშაოთ სხვა ქვეყნებთან,- ამის შესახებ აშშ-ის არჩეული პრეზიდენტის, ჯო ბაიდენის მიერ სახელმწიფო მდივნის თანამდებობზე წარდგენილმა კანდიდატმა, ენტონი ბლინკენმა განაცხადა. ინფორმაციას cnbc-ი ავრცელებს.
„ახლა ჩვენ უნდა ვიმოქმედოთ თავმდაბლობისა და თავდაჯერებულობის თანაბარი ზომებით. თავმდაბლობით, რადგან, როგორც არჩეულმა პრეზიდენტმა განაცხადა, ჩვენ ვერ გადავწყვეტთ მსოფლიოს პრობლემებს მარტო. უნდა ვიმუშაოთ სხვა ქვეყნებთან. ჩვენ გვჭირდება მათი თანამშრომლობა. გვჭირდება მათი პარტნიორობა. თუმცა, ასევე უნდა ვიმოქმედოთ თავდაჯერებულობით, რადგან ამერიკა ფლობს ყველა სხვა ქვეყანაზე მეტ შესაძლებლობას, გააერთიანოს სხვები ჩვენი დროის გამოწვევების გადასალახად“, – განაცხადა ენტონი ბლინკენმა.
