ოკუპირებული აფხაზეთის ტერიტორიაზე 12 ივლისიდან ე.წ. კულტურის სამინისტროს დაქვემდებარებული კულტურული დაწესებულებების საქმიანობა დროებით შეჩერდება.
12 ივლისიდან მუშაობას შეაჩერებენ თეატრები, მუზეუმები, ბიბლიოთეკები, კულტურის ცენტრები, კულტურის სახლები, საკონცერტო და საგამოფენო დარბაზები და ანსამბლები.
დამატებითი შეზღუდვების დაწესების შესახებ გადაწყვეტილება რეგიონში ეპიდსიტუაციის გაუარესების გამო მიიღეს.
ოკუპირებულ აფხაზეთში კორონავირუსით 18 000-ზე მეტი ადამიანი დაინფიცირდა, აქედან ვირუსს 257 ადამიანის სიცოცხლე ემსხვერპლა.
