თურქეთის პრეზიდენტის, რეჯეფ თაიფ ერდოღანის განცხადებით, მინსკის ჯგუფი სომხეთს შეიარაღებით ეხმარება.
მისი თქმით, სომხეთმა 18 ოქტომბერს განახლებული ცეცხლის შეწყვეტის შეთანხმება დაარღვია.
ერდოღანის განცხადებით, აზერბაიჯანი სომხური ოკუპაციისგან საკუთარი მიწების გათავისუფლებისთვის იბრძვის.
შეგახსენებთ, რომ სომხეთსა და აზერბაიჯანს შორის ურთიერთობა 27 სექტემბრიდან დაიძაბა.
სომხეთსა და აზერბაიჯანს შორის ჰუმანიტარული მიზნით, ცეცხლის დროებითი შეწყვეტა ძალაში 18 ოქტომბერს, ადგილობრივი დროით 00:00 საათზე შევიდა.
თუმცა, მიუხედავად ამისა, საბრძოლო მოქმედებები კვლავ გრძელდება.
