საპარლამენტო უმრავლესობის წევრის, დავით მათიკაშვილის განცხადებით, მიხეილ სააკაშვილის სამართლებრივ საქმეს ჰქვია არა “პიჯაკების საქმე”, არამედ მასაჟების საქმე, ბოტოქსების საქმე და პრეზიდენტის თავხედობის საქმე საკუთარი ერის მიმართ.
„პიჯაკებიც არის ამ საქმის შემადგენელი და საკმაოდ დიდი თანხა დაიხარჯა ამაზე, თუმცა პიჯაკების გარდა 9 მილიონ ლარზეა საუბარი, რომელიც სააკაშვილმა საკუთარი მოქალაქეების ჯიბიდან ამოაცალა. სამწუხაროდ, დესტრუქცია ამ პოლიტიკური ძალის ხელწერაა, მაგრამ სახელმწიფო მყარად დგას თავის ადგილას და ყველა დესტრუქციულ ნაბიჯს ადეკვატური პასუხი გაეცემა“, – აღნიშნა მათიკაშვილმა.
