ალერგოლოგ-იმუნოლოგი, ბიძინა კულუმბეგოვი სოციალურ ქსელში ვაქცინაციის შესახებ წერს, რომელსაც “პრაიმტაიმნიუისი” უცვლელად გთავაზობთ:

„ამ დრომდე, ქვეყანაში შემოვიდა 57 ათასი ადამიანისთვის საკმარისი ვაქცინა. დღევანდელი მონაცემებით, აცრილია 28 ათასამდე პირი ანუ გამოუყენებლია 29 ათასი ვაქცინის დოზა. ასტრაზენეკა/ოქსფორდის ვაქცინა ნებადართულია 55 წლის ასაკის ზემოთ საქართველოს მოსახლეობისთვის. არსებული მონაცემებით საქართველოში >55 წელი 1 მილიონი ადამიანი ცხოვრობს, მათ შორის აცრა მხოლოდ 2.5%- მა გაიკეთა ეს კი ძალიან საშიში სტატისტიკაა! > 55-75 წლის ასაკში კოვიდ-19-ით სიკვდილობის რისკი 1 300 ჯერ მეტია 17 წლამდე ასაკის პოპულაციასთან შედარებით, >75 წლიდან კი 3200 ჯერ იზრდება, ხოლო >85 წლიდან 8700 ჯერ. ჩავიტაროთ ვაქცინაცია და გადავარჩინოთ ჩვენთვის ძვირფასი ადამიანების სიცოცხლე“ – წერს ბიძინა კულუმბეგოვი.

შეგახსენებთ, საქართველოში „ასტრაზენეკათი“ ვაქცინაცია 2021 წლის 15 მარტიდან დაიწყო, „ფაიზერით“ კი 30 მარტიდან.