ამერიკაში მცხოვრები ქართველი ექიმი საქართველოს ჯანდაცვის მინისტრის, ეკატერინე ტიკარაძის დაინფიცირებას სოციალურ ქსელში ეხმაურება.
მისი თქმით, არცერთი ვაქცინა არ დაგვიცავს 100%-ით დაინფიცირებისგან და ის რომ აცრილს კოვიდი დაუდასტურდა ნორმალურია.
„ამ დროისთვის არსებული არცერთი ვაქცინა სრულად არ იცავს ინფიცირებისგან. ყველა მათგანი იცავს დაავადების სიმპტომატური/ მძიმე ფორმების, ჰოსპიტალიზაციისა და სიკვდილისგან. ის რომ აცრილს კოვიდი დაუდასტურდა ნორმალურია. ეს ფაქტი არ ნიშნავს რომ ვაქცინა არ მუშაობს. მეტიც, ერთეულ შემთხვევებში მძიმე ფორმების განვითარებაც შესაძლებელია რადგან 100%-იან დაცვას არც ერთი ვაქცინა არ დაგვპირებია. ამერიკის მაგალითზე შემიძლია ვთქვა, ვაქცინაცია ნამდვილად ეფექტურია. იქ სადაც მე ვმუშაობ, წინა კვირას მხოლოდ 4 კოვიდ-ინფიცირებული იყო, არც ერთი ინტენსიური თერაპიის განყოფილებაში, მაშინ როცა რამდენიმე თვის წინ იყო პერიოდები 400-ზე მეტი ერთროულად იყო მართვით სუნთქვაზე.”, – წერს ნანა გეგეჭკორი.
ცნობისთვის, ეკატერინე ტიკარაძე, რომელიც რამდენიმე კვირის წინ ასტრაზენეკას ვაქცინით აიცრა, კორონავირუსით დაინფიცირდა.
