ესტონეთში, შენახვის პირობების დარღვევის გამო, Astrazeneca-ს ვაქცინის 68 ათასი დოზა გაფუჭდა. ინფორმაციას ამის შესახებ Reuters-ი ავრცელებს.
გამოცემის ცნობით, მაცივარში, სადაც ვაქცინა ინახებოდა, ტემეპერატურამ 15 გრადუსით მოიმატა. საცავში ტემპერატურის მომატება ჯანდაცვის სამინისტროს თანამშრომელმა აღმოაჩინა.
მომატებულ ტემპერატურაში ვაქცინა 12 საათზე დიდხანს იმყოფებოდა.
ცნობისთვის, AstraZeneca-ს კორონავირუსის ვაქცინა 2-8 ცელსიუსამდე ტემპერატურაზე ინახება. როგორც გამოცემა წერს, ტემპერატურის ცვლილების გამო AstraZeneca-ს გარდა, სხვა, 32 000-მდე ვაქცინაც გაფუჭდა.
Reuters-ის ცნობით, აღნიშნული ვაქცინები სხვა ქვეყნებისთვის გასაგზავნად იყო განკუთვნილი.
