„მათ კიდევ ერთხელ გაიმეორეს ეუთო/ოდირის დასკვნა, რომ არჩევნები იყო კონკურენტული და ფუნდამენტური უფლებები იყო დაცული“,- ამის შესახებ პარლამენტის თავმჯდომარემ შეხვედრის დასრულების შემდეგ განაცხადა.
როგორც არჩილ თალაკვაძე აღნიშნავს, ცესკოს გამოქვეყნებულ შედეგებს ყველამ პატივი უნდა სცეს.
„ჩვენ მათ მადლობა გადავუხადეთ, რომ პანდემიის პირობებში ჩამოვიდნენ საქართველოში, დააკვირდნენ ჩვენს საპარლამენტო არჩევნებს, მათ კიდევ ერთხელ გაიმეორეს ეუთო/ოდირის დასკვნა, რომ არჩევნები იყო კონკურენტული და ფუნდამენტური უფლებები იყო დაცული.
რეალურად შედეგებშიც ჩანს, რომ ჩვენ პირველად საქართველოს ისტორიაში ჩავატარეთ არსებითად პროპორციული სისტემით არჩევნები, რომლის შედეგადაც პოლიტიკურმა პარტიებმა დამოუკიდებლად შეძლეს ბარიერის გადალახვა და შესვლა პარლამენტში.
ჩვენ ასევე გავაცანით მათ ის პროცესები, რომლებიც კანონმდებლობის თანახმად წარიმართება არჩევნების მეორე ტურამდე, ასე რომ აქვთ სრული იფნორმაცია, როგორი სამზადისი იქნება მეორე ტურის ჩათვლით და შემდგომი პარლამენტის მოწვევამდე“,- განაცხადა არჩილ თალაკვაძემ.
შეხვედრის პარალელურად შენობის გარეთ, სამოქალაქო აქტივისტები და სხვადასხვა პოლიტიკური პარტიის, ახალგაზრდული ფრთის წარმომადგენლები აქციას მართავენ.
როგორც ისინი ჟურნალისტებთან საუბრისას აცხადებენ, აქციით სურთ ხმა მიაწვდინონ საერთაშორისო სადამკვირვებლო მისიის წარმომადგენელებს.
