„ასტრაზენეკამ“ და ევროკომისიამ მწარმოებლის მიერ COVID-19-ის ვაქცინის დარჩენილი დოზების მიწოდების შესახებ შეთანხმებას მიაღწიეს. ამის შესახებ უცხოური მედია წერს.
გამოცემის ცნობით, შეთანხების ფარგლებში, AstraZeneca-ს ეკისრება ვალდებულება, რომ მესამე კვარტლის დასასრულისთვის 60 მილიონი დოზა , მეოთხე კვარტლის დასასრულს -75 მილიონი დოზა, ხოლო 2022 წლის პირველი კვარტლის დასასრულს – 65 მილიონი დოზა ვაქცინის მიწოდება უზრუნველყოს.
პროცესის შეფერხების შემთხვევაში ქვეყნები გარკვეული სახის ფასდაკლებებს მიიღებენ.
”ჩვენს წევრ ქვეყნებს შორის ვაქცინაციის ტემპის მაჩვენებლები განსხვავებებულია, ამიტომ ვაქცინების ხელმისაწვდომობას, მათ შორის „ასტრაზენეკას“ დოზების დროულ მიწოდებას, გადამწყვეტი მნიშვნელობა აქვს,” – განაცხადა ევროკავშირის კომისარმა ჯანმრთელობისა და სურსათის უვნებლობის საკითხში სტელა კირიაკიდესმა.
