„ევროპული საქართველოს“ წევრი სერგო რატიანი აცხადებს, რომ თუ საკონსტიტუციო ცვლილებები ჩავარდება, პასუხისმგებლობა „ქართულ ოცნებას“ დაეკისრება.
„რაც შეეხება შეთანხმების პირველ ნაწილს – შესრულებული არ არის და ამაზე პასუხისმგებლობა ეკისრება „ქართულ ოცნებას“. საქართველოში არ უნდა გვყავდეს პოლიტპატიმრები და შესაბამისად, გიორგი რურუა უნდა გამოუშვან
იმ შემთხვევაში, თუ ნოემბრის სცენარის გამეორებას აპირებენ და რაღაც დაემუქრება შეთანხმების მეორე ნაწილს, რომელსაც ეწოდება საკონსტიტუციო ცვლილებები, ამაზეც პასუხისმგებლობა მთლიანად ეკისრება „ქართულ ოცნებას“ და ამის შედეგებს ის ნახავს როგორც ქვეყნის გარეთ, ისე ქვეყნის შიგნით.
ჩვენ ბევრჯერ განვაცხადეთ, რომ თუ არ იქნება შეთანხმება შესრულებული, ჩვენ საკონსტიტუციო ცვლილებებზე შესვლას არ ვაპირებთ“,- განაცხადა რატიანმა.
ხვალ, საკონსტიტუციო ცვლილებებს მესამე მოსმენით უყრიან კენჭს.
