ამ წუთებში პარტია “ლელოს” ოფისში ოპოზიციური პარტიების ლიდერები მოლაპარაკებებს მართავენ.
შეხვედრის დაწყებამდე “სტრატეგია აღმაშენებლის” ლიდერმა გიორგი ვაშაძემ ჟურნალისტებთან კომენტარი გააკეთა.
გიორგი ვაშაძის თქმით, ის ხელისუფლებასთან მოლაპარაკებების ჩაშლის მომხრე არაა და ყველაფერს გააკეთებს, რომ “ქართულ ოცნებასა” და ოპოზიციას შორის დიალოგი გაგრძელდეს.
ამასთან, გიორგი ვაშაძემ განაცხადა, რომ 11 დეკემბერს ოპოზიციის მიერ დაგეგმილ ღონისძიებაში მონაწილეობის შესახებ და პარტიის მიერ პროპორციული სიების განულებასთან დაკავშირებით გადაწყვეტილებას დამოუკიდებლად მიიღებს.
“გადაწყვეტილებას მივიღებთ დამოუკიდებლად, არ ვაპირებთ არავის განრიგზე აწყობას, ყველამ კარგად გაიგოს, მე ჩემი მოსაზრება მაქვს და ჩემს მოსაზრებას გავუმხელ ჩემს თანაპარტიელებს და ისე ვიმოქმედებთ, ამიერიდან ყოველთვის ესე იქნება”, – განაცხადა გიორგი ვაშაძემ.
